అమాత్య పదవీ కోసం నువ్వా… నేనా..?

మంత్రివర్గ విస్తరణలో సుదర్శన్‌రెడ్డికి కలిసి వచ్చేనా..?

మదన్ మోహన్ రావు అదృష్టం ఫలించేనా…?

సీనియర్ నేత షబ్బీర్ అలీకి దక్కేనా?

ఇందూర్ వార్త : డెస్క్

రాష్ట్రంలో రెండవ విడత మంత్రి వర్గ విస్తీర్ణ లో ఉమ్మడి నిజామాబాద్ జిల్లా లో ఎవరికి చోటు దక్కనుందో అనే చర్చ జరుగుతుంది. మాజీ మంత్రి, బోధన్‌ ఎమ్మెల్యే సుదర్శన్‌రెడ్డి ఇదే లాస్ట్‌ ఎన్నిక అంటూ ప్రతిసారి ఎన్నికల్లో పోటీ చేస్తూనే ఉన్నాడయన. తాజాగా చావుతప్పి కన్నులొట్టబోయిన చందంగానే గెలిచాడు. ఆయన గెలుపుకు తోడు కాంగ్రెస్‌ పార్టీ అధికారంలోకి రాగానే ఇక తనకు మంత్రి పదవి ఖాయంగా భావించాడు. గతంలో మంత్రిగా చేసిన అనుభవం, సీనియర్‌ నేత, సీఎం రేవంత్‌రెడ్డి బంధువు.. ఇవన్నీ సుదర్శన్‌రెడ్డికి కలిసివచ్చే అంశాలుగా నిలిచాయి. ఇంకేముంది తనకు కేబినెట్‌ బెర్త్‌ ఖరారని తలచాడు. కానీ అవకాశం రాలేదు.
ఇక కేబినెట్ విస్తరణ ఎప్పుడుంటుంది..? తనను కేబినెట్‌లోకి ఎప్పుడు తీసుకుంటారు..? ఏ ఫోర్ట్‌ఫోలియో ఇస్తారు..? అనే విషయాలు గత కొంతకాలంగా సస్పెన్స్‌లో ఉండగా.. ఎవరికి వారే ఊహించుకుంటూ వస్తున్నారు. హోం మినిస్టర్‌ అవడం ఖాయంగా అని అంతా భావిస్తున్నారు.ఇప్పుడిది బోధన్‌లో ఆ పార్టీ వర్గాల్లోనే తీవ్ర చర్చకు తెరతీసింది. ఆదిలాబాద్‌, నిజామాబాద్‌ ఉమ్మడి జిల్లాలలో ఎవరికి మంత్రి పదవి రాకపోవడంతో రెడ్డి, వెలమ మరియు మైనార్టీ సామాజికవర్గాల్లో ఎవరికియ్యాలో అనే విషయంలో చర్చ జరుగుతున్నదట ఇప్పటికే రెడ్డిలకు కేబినెట్‌లో సరిపడా మంత్రి పదవులే వచ్చాయట ఇదిలా ఉంటే నిజామాబాద్ జిల్లా నుండి నూతనంగా టీపీసీసీ అధ్యక్షుడు ఎన్నిక కావడంతో సుదర్శన్ రెడ్డి కి కొంత మేరకు అడ్డుకట్ట వేసినట్టే అనే చర్చ బలంగానే వినిపిస్తుంది. మైనారిటీ కోటలో ప్రభుత్వ సలహాదారు మాజీ మంత్రి షబ్బీర్ అలీ ఉన్నపటికీ ఈ పదవితో ఆయన సంతృప్తిగా లేరని పార్టీ నాయకుల్లో చర్చ జరుగుతుంది. నిజామాబాద్ అర్బన్ మరియు కామారెడ్డి లో రెండు చోట్ల పర్పతి ఉండాలంటే మంత్రి పదవీ తప్పకుండా ఉండాలనే భావంతో పార్టీ పెద్దలతో మంతనాలు జరుపుతున్నట్లు సమాచారం. ఇక కొత్తగా ఇచ్చేవి లేవని, వెలమలకు ఇస్తారని కూడా ప్రచారం జరుగుతుంది. మరి ఈ కుల సమీకరణలు మన సార్లు కన్నకలలను ఏం చేస్తాయో ఏమో..? అనే కొత్త డౌట్లు చక్కర్లు కొడుతున్నాయిప్పుడు.వెలమ సామాజిక వర్గానికి ఇవాలనుకుంటే మొదటి సారి గెలిచిన ఎల్లారెడ్డి ఎమ్మెల్యే మధన్ మోహన్ రావు కి మంత్రి పదవి దక్కే ఛాన్స్ బలంగానే తన అనుచర వర్గాల మధ్య చర్చ జరుగుతోంది మదన్ మోహన్ సోనియా గాంధీ కుటుంబానికి అత్యంత సన్నిహితుడు కావడంతో మల్లికార్జున ఖర్గే కూడా మదన్ మోహన్ కే మొగ్గు చూపుతున్నడనే టాక్ గట్టిగానే వినిపిస్తుంది.ఏదేమైనప్పటికీ ముఖ్యమంత్రి రేవంత్ రెడ్డి బందువైనటువంటి బోధన్ ఎమ్మేల్యే సుదర్శన్ రెడ్డి వైపే అమాత్య పదవీ దక్కే ఛాన్స్ ఎక్కువగానే వినిపిస్తున్నాయి.