-
అక్ర‌మ నిర్మాణాలంటూ కూల్చివేయ‌డం ఏంట‌న్న కోర్టు
-
అధికారుల తీరుపై తెలంగాణ హైకోర్టు ఆగ్ర‌హం!
-
నిర్మాణాల‌ను కూల్చివేసినందుకు న‌ష్ట‌ప‌రిహారాన్ని అధికారుల నుంచి రాబట్టాల‌ని ఘాటు వ్యాఖ్య
-
వారి ఆస్తుల‌ను జ‌ప్తు చేయాలని ఆదేశించాల్సి ఉంటుంద‌న్న హైకోర్టు
ఇందూర్ వార్త - అక్ర‌మ‌మ‌ని తెలిసి కూడా అనుమ‌తులు ఇచ్చి.. ఆ త‌ర్వాత అక్ర‌మ నిర్మాణాలంటూ కూల్చివేయ‌డం ఏంట‌ని తెలంగాణ హైకోర్టు ఆగ్ర‌హం వ్య‌క్తం చేసింది. అలాంట‌ప్పుడు ఆ అనుమ‌తులు ఇచ్చిన అధికారులే న‌ష్ట‌ప‌రిహారం చెల్లించాల‌ని ఆదేశాలు జారీ చేయాల్సి ఉంటుంద‌ని న్యాయ‌స్థానం ఘాటు వ్యాఖ్య‌లు చేసింది. ఇక‌పై అక్ర‌మ నిర్మాణాల కూల్చివేత‌ల విష‌యంలో వాటికి అనుమ‌తులు ఇచ్చిన అధికారుల ఆస్తుల జ‌ప్తుకు ఆదేశించాల్సి ఉంటుంద‌ని హైకోర్టు వ్యాఖ్యానించింది. రంగారెడ్డి జిల్లా ప‌రిధిలోని శంషాబాద్ మండ‌లం న‌ర్కుడ గ్రామంలోని మంగ‌ర్షి కుంట ఎఫ్‌టీఎల్, బ‌ఫ‌ర్ జోన్ ప‌రిధిలో ఉన్న నిర్మాణాల‌ను తొల‌గించాలంటూ ఇరిగేషన్ అధికారులు నోటీసులు ఇచ్చారు. ఆ నోటీసుల‌ను స‌వాల్ చేస్తూ స‌చిన్ జైస్వాల్‌తో పాటు మ‌రో ఇద్ద‌రు హైకోర్టులో పిటిష‌న్ వేశారు. ఈ పిటిష‌న్‌పై బుధ‌వారం జ‌స్టిస్ సీవీ భాస్క‌ర్‌రెడ్డి విచార‌ణ చేప‌ట్టారు. అనుమ‌తులు తీసుకుని నిర్మించుకున్న రేకుల ఇళ్ల‌ను కూల్చివేయ‌డానికి ప్ర‌య‌త్నిస్తున్నార‌ని పిటిష‌నర్ త‌ర‌ఫు న్యాయ‌వాది వాద‌న‌లు వినిపించారు. ఈ మేర‌కు నీటిపారుద‌ల శాఖ అధికారి ఈ నెల 4న గోడ‌కు నోటీసులు అతికించిన‌ట్లు తెలిపారు. ఏడు రోజుల్లోగా ఎఫ్‌టీఎల్, బ‌ఫ‌ర్ జోన్ ప‌రిధిలో ఉన్న నిర్మాణాల‌ను తొల‌గించాల‌ని అందులో పేర్కొన్నార‌న్నారు. తమ నిర్మాణాల విష‌యంలో అధికారులు జోక్యం చేసుకోకుండా ఆదేశాలు ఇవ్వాల‌ని న్యాయ‌వాది కోరారు. వాద‌న‌లు విన్న న్యాయ‌మూర్తి.. అనుమ‌తుల‌తో నిర్మించుకున్న ఇళ్ల‌ను కూల్చివేస్తామంటే ఎలాగ‌ని నిల‌దీశారు. ఇరిగేషన్, మున్సిప‌ల్‌, పంచాయ‌తీ అధికారులు జీఓ 168 ప్ర‌కారం అనుమ‌తులు ఎందుకు ఇవ్వ‌ర‌ని ప్ర‌శ్నించారు. చెరువుల ప‌రిర‌క్ష‌ణ కోసం అక్ర‌మ నిర్మాణాల‌ను కూల్చివేయాలంటూ సుప్రీంకోర్టు కూడా ఉత్త‌ర్వులు ఇచ్చిన విష‌యాన్ని గుర్తు చేసిన న్యాయ‌మూర్తి.. అలాగ‌ని నిబంధ‌న‌ల‌ను ఉల్లంఘించ‌రాద‌ని చెప్పారు. ఇరిగేషన్ అధికారులు జారీ చేసిన నోటీసుల‌పై పిటిష‌నర్లు 15 రోజుల్లోగా అన్ని ఆధారాలు, ప‌త్రాల‌తో స‌మాధానం ఇవ్వాల‌ని ఆదేశించారు. ఈలోగా నోటీసుల‌పై అధికారులు ఎలాంటి చ‌ర్య‌లు తీసుకోవ‌ద్ద‌ని ఆదేశాలు జారీ చేశారు.
Monday, December 23
Trending
- ఏజెన్సీ ప్రాంతాల్లో గౌడులకు న్యాయం చేయండి
- ఉచిత సిద్ధ వైద్య శిబిరాన్ని ప్రారంభించిన శాసనసభ్యులు మాలోత్ రాందాస్ నాయక్
- ఆదివాసీ విద్యార్థుల ఉన్నత విధ్య కోసం ప్రభుత్వం ప్రత్యేక చొరవ చూపాలి
- ఘనంగా పాడి కౌశిక్ రెడ్డి జన్మదిన వేడుకలు.
- పృధ్వీరాజ్ చౌహాన్ విగ్రహ ప్రతిష్టకు స్థలం కేటాయించాలి
- అమిత్ షా ను అరెస్టు చేసి బర్తరఫ్ చేయాలి:
- తెలుగు కళా రత్నాలు సాంస్కృతిక సేవ సంస్థ ఆధ్వర్యంలో
- అమిత్ షా ,పై ఎస్సీ ఎస్టీ అట్రాసిటీ కేసు..!
